समितीचे उपबाजार म्हणुन कुही येथे दि. 19/05/2005 रोजी घोषीत केलेले असुन समितीने 200 मे. टन क्षमतेचे 1 गोदाम, रस्ता तसेच शासनाचे माध्यमातून विहीर, अंतर्गत रस्ता, स्वच्छता गृह व मुतारी इत्यादी बांधकाम केलेले आहे. तसेच समितीचे आवाराला दोन बाजुने तारांचे कंपाऊंड केले असुन दोन बाजु बाकी आहेत. मागील चार वर्षापासुन समितीने उपबाजार कुही येथे कापुस बाजार व धान्य बाजार सुरू केलेला असुन शेतकऱ्यांचे सध्या भरपूर प्रमाणात सहकार्य मिळत आहे. समितीकडे स्वनिधी नसल्यामूळे सुविधा करण्यास अडचन जात आहे. तरीही समितीने सन 2017-18 या वर्षात 50 मे.टन क्षमतेचा भुईकाटा बांधकाम केलेले असुन सदर काटयावर मोजमाप सुरू आहे.समितीने 9x12 मिटर आकाराचे लिलाव ओटा व त्यावर शेड बांधकाम पूर्णत्वास येत आहे. तसेच या चालू वर्षात एक 40X22.50 मिटर आकाराचे. खाली जागेवर फ्लोअरींगचे बांधकाम करण्याचा समितीचा मानस असुन सदर कामाची निवीदा प्रक्रिया सुरुआहे. तसेच उपबाजार कुही येथे शासनाचे 50% अनुदान तत्वावर राष्ट्रसंत तुकडोजी महाराज शेतकरी भवन बांधकामास मंजुरी मिळाली असुन निवीदा प्रक्रीया सुरू आहे.